هلا والله *^
البوستات اللي تحمل هالعنوان رح اتكلم فيها
عن منتج يخص الشفايف p; سواء عجبني او لا
احم احم
اليوم بتكلم عن قلوس خطيييير واحبه جدا
بالنسبة لي يعتبر من ال must have
اللي هو من نكس أو nyx ق ق ق 3> و اسمه beige
ماستغني عنه ابدا ومعاي في شنطتي على طول
اعتبره منقذ في لحظات الطوارئ لان يتناسب مع كل شي
لونه صاير بينك على خوخي وبدون شيمر بس لمعة
مابقول قلوسيه تماما بقول وسط بين قلوسي إلى كريمي
واهم شي مايعطي احساس القريسي او الدهني كانه شاربة دهن
مارح اقول انه مايتلزق مثل بعض الهاي اند قلوس بس في نفس الوقت
جميييييييييييلة نعومته وملمسة على الشفة قياسا بانه ماركة عادية
انا من النوع اللي ياكل الروج
يعني مايثبت معي كثير واحتاج اجدده كل ساعتين
يمكن لو وحده طبيعية بيثبت اكثر خخخخخ
ريحته مثل مصاص غندور الاحمر القديم تماما يعني سويييت
سعره على ماذكر ٣٦ ريال من سنتر بوينت الدمام
( الصورة من النت )
هل بشتريه مرة ثانية ؟
اكيييييييد انا قلوسات نكس بشكل عام احبها
وهذي الدرجة تحديدا حسيتها جدا رايقة
واعتبرها خيار امن .. تقدري تحطيه في الصباح ويعطي طلة فررش
وفي المساء مع ميك اب عيون اقوى شوي ..
ويتناسب مع معظم درجات البشرة
نصيحة :
انا قبل لا احطه احط روج نيود او امرر كريم الاساس اللي حاطه
منه على الشفة وبعدين احطه لان النيود رح يبرز لونه اكثر
خصوصا اذا كان عندك سواد في شفتك او مو متوحدة
لان تغطيته ماقدر اقول مية بمية وهالشي مايزعجني ابد بس ممكن يزعج البعض ..
See yaa <3
ليست هناك تعليقات:
إرسال تعليق