هلا ^*
اليوم بعرض لكم ريفيو صغنن كبداية
عن باليت اتوقع الكل سمع هذا اذا مو الكل يملكه
اللي هو باليت Naked الشهير من urban decay
وماتوقع في باليت حصل كل هالصيت
اشتريته اول ماطلع وهبوا الناس فيه
سعره كان ٣٥٠ لكن الحين رخص اتوقع بميتين وشوي
الحلو فيه خامة الالوان نفسها وهي اتوقع السبب الرئيسي في شهرته
بين المبتدئات بالخصوص لان مد اللون ودمجه جدا جدا سهل
ومايحتاج هذيك المهارة وخصوصا اذا بتستخدمي لون من نفس الباليت
الالوان حلوة وتحلي العين وتعطي نظرة دافئة يعني غصب بتطلع نتيجة حلوة
من عيوبه علبته
ابد ابد مو عملية وتتوسخ بسرعة وتبينك مهملة
اشوا رقوعها في الباليت الثاني منه
وبعد من عيبه قلة الالوان الماات فيه يعني لوحده مثلي
استخدامي له قليل لهالسبب لاني دايم اعتمد المات
يعني مادري اذا وصلت الاربعين ويش بحط:/
احلى شدو بالنسبة لي buck و naked
هم اللي كرفتم صح خصوصا buck ينفع للكونتور وللحواجب
غيررر انه رائع لكسرة العين اعتمدته لفترة طويلة في مكياجي اليومي
هل برجع اشتريه مرة ثانية ؟
لا ، لاني ماستخدمت الالوان الثانية الا قليل فلو برجع اشتري
بشتري لون buck لوحده ما اقول ان الباقي سيئين
البنات اللي يحبوا الشيمر والحركات بينبصطوا عليه
وحلو للي توها تأسس الكولكشن حقها يكون عندها باليت جودته حلوة لدرجات البرونز
مع اني اشوف ان في باليتات تحمل مجموعة روعة من الشدوات الترابية
وجودتها شي خيال وسعرها ربع سعره ولا لقت شي من شهرته مثل باليت sleek
يمكن لان sleek الوانه مرة بيجمنتد ويصعب التعامل معاها
اتمنى عجبكم الريفيو
See ya <3
ليست هناك تعليقات:
إرسال تعليق