هلا والله ^*
اليوم حبيت ادردش شوي واكتب اخر تجاربي في الشراء الالكتروني
وهذي كانت أول مرة اتعامل مع موقع شوبينغ عربي ووقع اختياري على موقع نمشي
وبصراحة كنت مترددة بس بقولكم أيش اللي طمني تحت
البداية كانت أني كنت أبحث عن جزمة رياضة - اكرمكم الله - لان
جزمتي خلاص المسكينة تبي تتشهد بس مو عاطيتنها فرصة !_!
على العموم كنت حاطة عيني إني اشتري جزمة من Nike
لأنهم ببساطة رائدين في هالمجال , جزمهم مريحة ومرنة , ألوانها تهبل وكيوت أقوى شي ♥
دخلت ابي ابحث عن جزمهم أون لاين أو عن طريق الموقع الرسمي
وطلع لي موقع نمشي تلاقوه هنا ( الموقع اعلاناته في كل مكان لانها مدفوعة لقوقل )
بصراحة الموقع فيه شغلات حلوة ومتنوعة يعني مو متخصص في ماركة معينة او شي معين ملابس اكسسوارات شنط
التجديد عنهم حلو تقريبا يوميا ويحاولوا انهم يدخلوا ماركات جديدة ومتنوعة
التجديد عنهم حلو تقريبا يوميا ويحاولوا انهم يدخلوا ماركات جديدة ومتنوعة
الشي اللي شدني وطمنّي ان عندهم خدمة الدفع عند الاستلام ( + مع اضافة مبلغ بسيط لهالخدمة )
والشحن والتوصيل (لما تكون الطلبية فوق 100 ريال) والاستبدال كله مجانا , تحمست خصوصا مثل ماقلت مالي تجربة
سابقة مع المواقع العربية وما كنت حابة استخدم بطاقتي اول مرة :*)
المهم توكلت على الله وقررت اشوف لي جزمة رياضة حلوة
طبعا اللي عجبني ان عندهم قائمة خاصة ومتنوعة لاصحاب الرياضة للنساء والرجال
وطاح اختياري على ذي
اي اي ادري انها من القسم الرجالي خلاص اص اص P=
ماكنت ابي اخذ شي لونه فاقع او موديله غريب وفي نفس الوقت مابي شي اسود ولا ميت
اخذتها على اساس قاعدتها و والتبطين كل هالاشياء مهمة في اختيار الجزمة
يعني لازم تتناسب مع نوع الرياضة اللي رح تمارسيها بها
المهم عبيت بياناتي والعنوان وكل شي واخترت الدفع عند التوصيل
(ما حسيت انه يحتاج شرح لان الموقع سهل جدا وكل شي عربي
يعني اللي يستصعبوا الشراء من برى عشان اللغة ما رح يواجهوا هالمشكلة )
بعدها بكم ساعة اتصلت علي الموظفة اماراتية حبوبة
واكدت المعلومات وقالت رح يكون التوصيل من 6 الى 9 ايام
لو طالبتها من اميركا شوفوا كم راح تاخذ
التوصيل كان عن طريق ارامكس هالشركة تاريخي معاها مو حلو ابدا ابدا
مو لنفس الشركة لا الفرع اللي بمنطقتي اسوء فرع في الوجود
تعاملت معاهم كذا مرة من قبل وكل مرة اسوء من اللي قبلها فتركتهم
لكن هنا اضطريت لان الموقع ما بتعامل الا معهم
لكن بالنسبة للموقع فعلا بعد كم يوم اتصلت علي شركة الشحن واكدت علي من جديد
وكان المفروض التوصيل للبيت لكن مثل ماقلت المشاكل اللي واجهتني كانت بسبب الفرع
فاضطريت اروح انا اجيبها بنفسي , وبعد 7 ايام بالضبط كانت الجزمة عندي ♥
جات الشحنة في كرتون ثاني ومغلفة تغليف محكم وفيها كذا نسخة من ورقة الطلبية والمعلومات
برا الكرتون وداخله , عجبني اهتمامهم من هالناحية
وهذي الجزمة مثل ما طلبتها نوعا وحجما ولونا =*)
الجزمة سعرها في الموقع 310 ريال
مع خدمة الدفع و تبعاته المجمل 340 ريال
# تدوينة ع السريع حبيت اضيفها ممكن تفيد احد
وخصوصا للبنات اللي يتخفون من الشراء الاون لاين مع انه شي تافه
هالموقع حلو كبداية وبعدين تبحري في عالم الشوبينغ الالكتروني الممتع :)
وبس ♥
Vanillace